УНӨЧ

Спектакль хәзерге заман яшүсмерләренең борчуларын, сөенечләрен, куркуларын, хис-кичерешләрен Тукай иҗаты, аның тормыш юлына кагылышлы фактлар аркылы ача. Чынбарлыкка ирешү максатыннан куелышта катнашкан «Апуш» студиясе шәкертләре өчен махсус тренинглар оештырылды. Тренинг нәтиҗәләре әлеге пьесада чагылыш тапты. Спектальдә «Апуш» студиясендә шөгыльләнүче 13 яшүсмер катнаша. Премьера 2026 нчы елның 13, 14 апрелендә Г.Камал исемендәге Татар дәүләт Академия театрының яңа бинасында булды.

Төн. Тукай музее. 13 яшүсмер. Алар биредә нишләп йөри? Нәрсә эзли? Замана яшьләренә ниләр тынгы бирми? Аларны Тукай образы белән нәрсә бәйли? Төнге музей бүлмәләре, андагы экспонатлар күңел түрендә яшеренеп яткан нинди серләрне яктырта? Музей ишеген атлап кергәндә дус булган 13 яшүсмер, аннан кемнәр булып чыгар? Кем артык? Улмы, синме, безме?

Менә шушы һәм башка бик күп сорауларга җавапны 21 гасыр яшүсмерләр күзлегеннән карарбыз. «Унөч» спектаклендә бик күпләр үзләрен таныр, Тукайга яңача якынаер дип ышанабыз.

Иҗат төркеме:

Пьесаның авторы – язучы Гөлүсә Батталова
Тренингларны үткәрде – актер һәм режиссер Булат Минкин
Спектакльне сәхнәгә куючы остаз – «Апуш» студиясенең җитәкчесе, актерлык осталыгы остазы Алия Фәйзрахманова
Сәхнә теле – Татарстанның атказанган артисты, К.Тинчурин исемендәге Татар дәүләт драма һәм комедия театры артисты Резедә Сәләхова
Вокал – Татарстанның атказанган мәдәният хезмәткәре, Г.Кариев исемендәге Казан Татар дәүләт яшь тамашачы театрының вокал буенча педагогы Лилия Зәйнуллина һәм музыка белгече Наилә Закирова
Композитор – Россия һәм Татарстанның композиторлар берлеге әгъзасы, Бөтенроссия һәм Халыкара бәйгеләр лауреаты Миләүшә Хәйруллина
Тамашаның сценографы, рәссамы – Юлия Кораблева
Аранжировщик – Бөтенроссия һәм Халыкара бәйгеләр лауреаты Кирилл Фурсов
Спектакльгә биюләр куючы хореограф – Илья Леонов
Ут рәссамы – Илшат Сәяхов
Музыкаль мөхәррир – Ильяс Фәйзрахманов
Тавыш режиссеры – Искәндәр Җәмилев