«Московский» мәдәни үзәге

Студиянең төп идеясе — киләчәк буынның шәхси, профессиональ һәм иҗади үсеше.

Студиянең төп максаты — укучыларда татар теленә кызыксыну уяту, яшьләрнең иҗади сәләтләрен ачу, милли мәдәниятне үстерү.

«Апуш» татар балалар театр студиясенең бер төркеме үз эшен 2018 елда 80 яшь тулган «Московский» мәдәни үзәгендә алып бара. Әлеге мәдәни үзәк ул — мәдәният сарайларын заманча мәдәни үзәкләргә трансформацияләү буенча шәһәр мәдәният идарәсенең сынау проекты. Яңа концепция эстрада иҗатының традицион түгәрәкләрен һәм концерт эшчәнлеген үстерүне генә түгел, беренче чиратта, балаларның да, өлкәннәрнең дә иҗади һәм интеллектуаль үсеше өчен шартлар тудыруны һәм күпфункцияле мәдәни үзәк булдыруны бурыч итеп куя.

Әлеге төркем үз эшен 2023 елның ноябреннән башлап җибәрде. Биредә барлыгы 40 бала шөгыльләнә.

Студиягә язылу

Укытучылар

Фәйзрахманова Алия Госман кызы

Студия җитәкчесе
Гатауллин Булат Илдар улы

актерлык осталыгы

Г.Кариев исемендәге Казан Татар дәүләт яшь тамашачы театры актеры, «Алтын битлек» театр премиясе иясе
Галиуллина Гүзәл Әнвәр кызы

Сәхнә теле

К.Тинчурин исемендәге Татар дәүләт драма һәм комедия театры артисты
Шәйдуллин Артур Ралиф улы

сәхнә хәрәкәте

Татарстанның атказанган артисты, Г.Камал исемендәге Татар дәүләт академия театры артисты
Хәмзина Алия Алмаз кызы

Вокал

Казан театр училищесында вокал һәм вокал ансамбле педагогы, К.Тинчурин исемендәге Татар дәүләт драма һәм комедия театры хормейстеры

Укучылар

Әдилә Асатова
Зилә Әхмәтшина
Мәликә Бектимирова
Рамиль Вәлиуллин
Әминә Вәлиулова
Рамай Вафин
Сөләйман Галиев
Нәфисә Галләмова
Сәйдәш Гарифҗанов
Солтан Гыйматдинов
Илья Демидов
Никита Демидов
Әскәр Зарипов
Муса Исянов
Самат Малаткин
Ризван Мостафин
Азат Низамиев
Аделия Сабирҗанова
Мәликә Сафина
Мәрьям Таҗиева
Наилә Төхвәтуллина
Мәликә Фатыйхова
Камилә Шәйдуллина
Мәликә Шәйдуллина
Адель Шамкаев

Филиалда дәресләр

Сәхнә хәрәкәте

Үз тәнеңне аңлап, аның белән дөрес идарә итү; координация, ритм, гәүдә сузылучанлыгы өчен күп күнегүләр эшләү
Сәхнә теле

Сөйләм аппаратын «уятыр» өчен, матур һәм грамоталы аралашу күнекмәләрен арттыру өчен артикуляцион гимнастика, диафрагмаль сулышны күнектерү өчен күнегүләр; сөйләм аппараты өчен катлаулы булган авазлар җыелмасы ярдәмендә («кпти-гбди», «кпты-гбды»; «бви-пфи», «бвы-пфы») дикция буенча, авазларны дөрес әйтү өстендә эшләү; кыска шигырьләр ярдәмендә тавышның көчен, очышын, регистрларны күнектерү; теннис тубы һәм мәкальләр ярдәмендә паузалар һәм мәгънәви басымнар өстендә эшләү; тавыш көченә һәм яңгырашына уен тренинглары; файдалы мастер-классларда катнашу.

Вокал

Балаларның җырлау сәләтен үстерү. Җыр, сәхнә һәм гомуммузыка культурасының нигезләрен формалаштыру (көйне табигый тавыш белән, киеренкелектән арынып, әкренләп диапазонны киңәйтеп, дөрес итеп тапшыра белү; җырның характерын, кәефен, интонациясен тоеп, шул ук вакытта музыкаль образга, җырның эчтәлегенә үз мөнәсәбәтен күрсәтеп, сәнгатьле итеп җырлый белү).
Актерлык осталыгы

1) Укучыларда коллективлык, команда рухы тудыру һәм җаваплылык хисен формалаштыру.
2) Актерлык техникасы нигезләре, күнекмәләре: («Күрәм!», «Ишетәм!», «Җавап кайтарам!»)
3) Аерым актёрлык биременә игътибарны юнәлтү.
4) Сәхнә киңлегендә ориентлашу, партнерны күрергә, ишетергә, хис-тойгыларын сизәргә өйрәнү
5) «Сорау-җавап» форматындагы теоретик әңгәмәләр
6) Этюдлар өстендә эшләү